ҚАЗАҚСТАН МЕКТЕПТЕРІНДЕГІ АҒЫЛШЫН ТІЛІ САБАҚТАРЫНДА ЖАСАНДЫ ИНТЕЛЛЕКТІНІ ҚАЛЫПТАСТЫРУШЫ БАҒАЛАУҒА ИНТЕГРАЦИЯЛАУ

Аннотация

Мақалада Қазақстан мектептеріндегі ағылшын тілін оқытудағы қалыптастырушы бағалаудың (ҚБ) қазіргі жағдайы қарастырылады және жасанды интеллекттің (ЖИ) бұл үрдістегі тиімділігі және жақсарту жолдары зерттеледі. Қалыптастырушы бағалау оқу сапасын арттыруда маңызды рөл атқарады, алайда оның Қазақстан мектептерінде жүзеге асырылуы бірқатар қиындықтарға тап болып отыр. Зерттеуде түрлі жас топтарындағы мұғалімдердің ҚБ қолдануы, ҚБ қағидаттарына қаншалықты сай келетіні және олар кездесетін қиындықтар салыстырмалы түрде зерттелген. Негізгі назар ChatGPT, Grammarly, Quillion, Turnitin Feedback Studio, Peergrade, Curipod және т.б. сияқты жасанды интеллект құралдарын қалыптастырушы бағалауды жетілдіру мақсатында кіріктіруге аударылған. Қалыптастырушы бағалаудың әрбір компонентінде (оқытуды жедел түзету, оқу мақсаттарын қою, кері байланыс беру, өзін-өзі бағалау, өзара бағалау және стратегиялық сұрақ қою) жасанды интеллекттің рөлі нақты мысалдармен сипатталады. Зерттеу нәтижелері жасанды интеллектті қолдану мұғалімнің жүктемесін азайтып, оқушыларға жедел әрі дараланған кері байланыс беруге мүмкіндік жасап, олардың оқу белсенділігін арттыра алатынын көрсетеді. Жұмыстың жаңашылдығы дәстүрлі қалыптастырушы бағалау әдістерін жасанды интеллект технологияларымен ұштастыруында, бұл Қазақстан мектептері үшін практикалық маңызға ие. Зерттеуде сондай-ақ жасанды интеллектті сынып тәжірибесіне енгізумен байланысты қиындықтар мен этикалық мәселелер де көрсетілген. Жалпы алғанда, зерттеу мұғалімдердің цифрлық дағдыларын дамыту және Қазақстанның білім беру контекстінде жасанды интеллект көмегімен тиімді қалыптастырушы бағалау үшін жағдайлар жасау бойынша ұсыныстар баяндалады.