ОҚЫТУДЫҢ ПРОБЛЕМАЛЫҚ ӘДІСІ ОҚУШЫЛАРДЫҢ ОРЫС ТІЛІ МЕН ӘДЕБИЕТІ САБАҚТАРЫНДА ЗЕРТТЕУ ДАҒДЫЛАРЫН ДАМЫТУ ҚҰРАЛЫ РЕТІНДЕ

Аннотация

Бұл мақалада проблемалық әдіс орыс тілі мен әдебиеті сабақтарында оқушылардың зерттеу дағдыларын дамытудың тиімді құралы ретінде қарастырылады. Зерттеудің мақсаты оқушылардың сыни талдау дағдыларын, ойлау қабілетін және проблемалық жағдаяттардың шешімдерін өз бетінше іздеп табу қабілетін дамыту үшін осы әдістің теориялық негізделуі мен практикалық іске асырылуы болып табылады. Зерттеудің негізгі идеялары пәнаралық байланыстарды дамытуға жағдай жасайтын "Орыс тілі мен әдебиеті" сабақтарында оқытудың белсенді әдістерін жүзеге асыруға негізделген. Жұмыстың негізгі бағыттары проблемалық жағдайларды талдау, олардың оқушылардың зерттеу дағдыларын дамытуға әсерін анықтау, педагогикалық практикада іске асыру үшін әдістемелік ұсынымдарды әзірлеу болып табылады. Зерттеу барысында келесі әдістер қолданылды: әдебиеттерді талдау, Талдықорған қаласындағы физика-математика бағытындағы Назарбаев Зияткерлік мектебінің қазақ тілінде оқытылатын 10- сынып оқушыларының оқу іс-әрекетін бақылау. Деректерді жинаудың сапалық және сандық әдістері, соның ішінде 10-сынып оқушыларының арасында сауалнама жүргізу, әрекет өнімдерін талдау қолданылды. Зерттеу нәтижелері проблемалық әдісті қолдану оқушылардың пәндерге деген қызығушылығының, әртүрлі мәтіндермен (тұтас және тұтас емес) жұмыс істеудің тұрақты дағдыларының, деректерді талдау, ақпаратты жүйелеу, жобаларды қорғау мен ұсынуда дәлелдерге негізделу дағдыларының арттыруына ықпал ететінін көрсетеді.Тәжірибені талдау барысында проблемалық әдістің оқушылардың пәндік құзыреттіліктері мен зерттеу дағдыларының дамуына, атап айтқанда, білімді практикада қолдану және өз бетінше оқу-зерттеу қызметін жүргізу қабілетіне оң әсерін анықтады. Зерттеудің құндылығы: проблемалық әдіс – білім алушылардың жоғары деңгейлі дағдыларын дамытудың әмбебап технологиясы болып табылады, оны білім беру мен оқыту тәжірибесіне енгізу қажеттілігін көрсетеді. Жұмыстың практикалық маңыздылығы мұғалімдерге ұсыныстар әзірлеу және проблемалық оқыту кезінде жұмыстың негізгі принциптері мен оқушылардың оларды сәтті шешу жолдарын анықтау болып табылады, сонымен қатар пәнаралық білімді жүзеге асыруға баса назар аударылады, мысал ретінде биологиямен байланысты айтуға болады.